Malatyada zəlzələ qurbanı olan tələbəmizin anası danışıb. Bu haqda 10 fevral tarixində Bizim.media-ya istinadən məlumat veririk.
“Sosial şəbəkələrdə oğlumun ölüm xəbərini görmək təsəvvür etməzsiniz, məni nə hala saldı. Onu bir tək Allah bilir. Hətta bilirdim ki, bu xəbər yalandır. Təki heç bir ölüm xəbəri təsdiqlənməsin”, - deyə Şahin Vəliyevin anası bildirib.
Esmira Hüseynovanın sözlərinə görə, axırıncı dəfə oğlu ilə 5 fevral tarixində danışıb. “Evdə idi, oğlum avara uşaq olmayıb. Dərsindən evə, evdən dərsinə və idmana gedirdi. 4 ildir Türkiyədə təhsil alır. Birinci yarımilin semestr imtahanlarından sonra tətilə çıxmışdılar. Gəlməyinə imkanımız olmadı. Özü də istəmədi. Dedi: “O qədər pulu töküb 10-15 günlük gəlməkdənsə, birdəfəlik yay tətilində gələrəm və 3 ay vətəndə qalaram”.
Həmçinin bildirilib ki, Esmira xanımın qardaşı dağıntılar altında qalan tələbələrdən biri – Gündüz Nəzərzadənin valideynləri və qardaşı ilə birgə hadisə yerindədir.
“Oğlum və digər tələbələr hələ də dağıntılar altındadır. Hadisə yerinə Çindən xilasedicilər cəlb olunublar. Allahın köməyi ilə balamla yanaşı, orada olanların hamısı sağ-salamat çıxarlar”, - deyə Şahinin anası qeyd edib.
