Gəncədə şəhər rəhbərliyi quruculuq işləri ilə tanış olub. Bu haqda 15 iyun tarixində İcra Hakimiyyətinə istinadən məlumat veririk.
İcra başçısı Niyazi Bayramov Cavad xan küçəsində aparılan genişmiqyaslı abadlıq, quruculuq, təmir və bərpa işlərinə baxış keçirib. Şəhər rəhbərinə bildirilib ki, burada yerləşən evlərin fasadları, novdanları yuyularaq təmizlənib. Daş döşəmələrin təmirə ehtiyacı olan hissələri yeniləri ilə əvəz olunub, işıq dirəklərində olan köhnə plafonlar yeni, müasir LED lampaları ilə əvəzlənib, yeraltı keçidlərdə təmizlik işləri görülüb. Ərazidə olan buta formalı oturacaqlar yenidən boyanıb, güldanlara mövsümi güllər əkilib, fəvvarələr təmir olunub.
Niyazi Bayramov tapşırıq və tövsiyələrini verib. Daha sonra şəhər rəhbəri sakinlərlə söhbət edib. Onların rəy və təkliflərini dinləyən icra başçısı, səsləndirilən fikirlərin dəyərləndiriləcəyini bildirib.
