Gəncədə qəsəbələrin birində sakinləri bir sıra məsələlər narahat edir. Bu haqda 17 iyul tarixində GəncəPost-a istinadən məlumat veririk.
Söhbət şəhərin Natəvan 2 qəsəbəsindən gedir. Sakinlərin sözlərinə görə, burada lazımi infrastruktur yoxdur.
“Şəhərdən 2 kilometr aralıda yerləşirik. İllərdir yollarımızda asfalt örtüyü, kanalizasiya sistemi, elektrik təchizatı, məktəb, uşaq bağçası yoxdur. Nə tibb məntəqəmiz, nə də aptekimiz var. Taksi, təcili tibbi yardım çağırırıq, gəlmir. Deyirlər: “Ora haradır, necə gələk?” Su saatla gəlir, qiyməti də bahadır. Uşağı məktəbə ağ corabla göndəririk, palçıq içində qayıdır. Dəfələrlə aidiyyəti qurumlara müraciət etmişik. Lakin heç bir nəticə əldə olunmayıb. Problemlərimizin həll olunmasını arzu edirik”, - deyə onlar bildiriblər.
