Gəncənin millət vəkili Gəncədə baş verə biləcək zəlzələ ilə bağlı danışıb. Bu haqda 24 fevral tarixində Sfera.az-a istinadən məlumat veririk.
Milli Məclisin bu gün keçirilən plenar iclasında çıxış edən deputat Naqif Həmzəyev bildirib ki, zəlzələnin başvermə ehtimalı sakinləri qorxudur.
"Kahramanmaraşda baş vermiş zəlzələdən sonra Gəncədə də anoloji fəlakətin baş verə bilməsi ehtimalı bizi narahat edir. Çünki Kahramanmaraş ərazisində hələ 1138-ci ildə böyük zəlzələ baş verdikdən bir il sonra, 1139-cu ildə Gəncədə Göygölün yaranmasına səbəb olan irihəcmli dağıntılara səbəb olan zəlzələ olmuşdu. Buna görə də şəhərimizdə bu fəlakətin başvermə ehtimalı insanları qorxudur. Ümid edirəm ki, zəlzələnin qarşısını almaq üçün tikinti şirkətləri yeyintilərə imkan yaratmaz və təməli doğru qurulan binalar tikər”, - deyə millət vəkili qeyd edib.
