Gəncədə təmizlik aksiyası başlayıb. Bu haqda 2 mart tarixində Mənzil Kommunal Təsərrüfatı İstehsalat Birliyinə istinadən məlumat veririk.
Aksiya bayram günləri ilə əlaqədar olaraq keçirilir. Təmir-tikinti və Qəza xidməti şöbəsi tərəfindən şəhərin Şah İsmayıl Xətai prospektində mövcud olan işıq dayaqları, körpülərin dəmir məhəccərləri və kiçik tutumlu zibil qutuları yuyularaq təmizlənib. Bu təmizlik aksiyasına adıçəkilən şöbə əməkdaşları ilə yanaşı, birliyin texnikası da cəlb edilib.
Bu gün isə dayaqlarla paralel olaraq şəhərdəki avtobus dayanacaqlarının yuyulması da nəzərdə tutulub.
