Gəncədə sakinlər məhəllələrinin abadlaşdırılmasını istəyirlər. Bu haqda Gencexeber.az-a 28 oktyabr tarixində məlumat daxil olub.
Söhbət Mahrasa bağı ərazisində yerləşən 17A, 17B və 23 saylı 9 mərtəbəli binalar olan məhəllədən gedir. Adıçəkilən ərazinin təmirə ehtiyacı var.
Binaların qarşısında asfalt örtüyünə ehtiyac var. Lüklər və quyular qəzalı vəziyyətdədir. Həmçinin ərazidə işıqlandırma sistemi mövcud deyil.
“Burada 100-ə yaxın ailə yaşayır. Onların içində şəhid və qazi ailələri də var. Məhəlləmiz çox baxımsız haldadır, yollarımız asfaltsızdır, axşam vaxtı küçə işıqlandırılmır. Bu məsələlərin həll olunmasını arzu edirik”, - deyə sakinlər bildiriblər.
