Gəncədə kino klubunun görüşü keçiriləcək. Bu haqda 4 fevral tarixində Gəncə Maarif Evinə istinadən məlumat veririk.
5 fevralda baş tutacaq tədbir saat 15:00-da Maarif Evində təşkil olunacaq. İştirakçılar “Onu Bağışlamaq Olarmı” filmini izləyəcək, daha sonra müzakirə edəcəklər. Tədbirin moderatoru Afitab-Sevinc Orucludur. Qatılmaq istəyənlər ödənişsiz iştirak edə bilərlər.
Qeyd edək ki, Gəncə Maarif Evi Mərkəzi kitabxananın yanında (keçmiş “Oksi Baby” mağazasının 3-cü mərtəbəsində) yerləşir. Əlaqə nömrələri (055) 388 97 77, (022) 256 03 33.
