Gəncədə qəsəbələrdən birində sakinlərin yolu bağlanıb. Bu haqda 17 iyun tarixində Space TV-yə istinadən məlumat veririk.
Söhbət şəhərin Məhsəti qəsəbəsindən gedir. Sakinlərin istifadə etdiyi piyada və avtomobil yolunun təmir zamanı bağlanması onları çətin duruma salıb. Onlar bildirirlər ki, təhlükə ilə üz-üzə qalıblar.
“Hər gün, demək olar ki, hadisə olur, qəza olur. Xahiş edirik, bu yolu düzəltsinlər, açsınlar ki, camaat rahat getsin-gəlsin. Qəsəbənin hər bir tərəfindən yollar bağlanıb”, - deyə onlar qeyd ediblər.
İcra Hakimiyyətindən bildirilib ki, məsələ ilə bağlı “Azəravtoyol” və digər təşkilatlara rəsmi məktub ünvanlanıb. Yaxın günlərdə sakinlərin yol problemi həllini tapacaq.
Qeyd edək ki, sözügedən qəsəbədə 20 minə yaxın ailə yaşayır.
