Gəncə Dövlət Universitetində İlham Əliyevə həsr olunan tədbir keçirilib. Bu haqda 20 oktyabr tarixində GDU-ya istinadən xəbər veririk.
“Müstəqil tariximizə qızıl hərflərlə yazılan tarixi gün” adlı tədbir İlham Əliyevin Prezident seçilməsinin 20-ci ildönümü münasibətilə baş tutub. Burada Elm və İnnovasiyalar üzrə prorektor millət vəkili Pərvin Kərimzadə, Humanitar məsələlər üzrə prorektor Gülsüm Fətəliyeva, Həmkarlar İttifaqı Komitəsinin sədri Afaq Qasımova və Tələbə Elmi Cəmiyyətinin sədri Lalə Ələkbərova iştirak ediblər.
Yığıncağın əvvəlində şəhidlərimizin xatirəsi bir dəqiqəlik sükutla yad olunub. Tədbirdə iştirak edən şəxslər Prezidentin 20 illik fəaliyyətində elm və gənclərin inkişafında görülən işlərdən, tarixi xidmətlərindən və həyata keçirilmiş uğurlu siyasətindən ətraflı danışıblar. Sonda İqtisadiyyat fakültəsinin III kurs tələbəsi Nurlan Vəlizadə “Prezident İlham Əliyevin rəhbərliyi dövründə Azərbaycan iqtisadiyyatının dünəni və bu günü” mövzusunda çıxış edib.
