Gəncədə təlim keçirilib. Bu haqda 3 avqust tarixində KOBİM-ə istinadən məlumat veririk.
KOB İnkişaf Mərkəzi (KOBİM) tərəfindən "Balın qablaşdırılması və satışı strategiyasının qurulması" mövzusunda təşkil olunan 2 təlimdə 32 fermer iştirak edib. Tədbir "AzerGold" QSC-nin "Arıçılıq təsərrüfatının inkişafına dəstək" layihəsi çərçivəsində keçirilib.
Burada KOBİM-in eksperti tərəfindən bal süzümü, avadanlıqlardan istifadə, məhsulların qablaşdırılması qaydaları barədə məlumat verilib. Həmçinin təbii balın normativləri üzrə fiziki-kimyəvi göstəriciləri, arı südü, propolis, güləm, mum kimi arıçılıq məhsullarının baytarlıq və sanitariya qaydalarına uyğun olaraq tədarükü barədə danışılıb.
Qeyd edək ki, KOBİM tərəfindən göstərilən bütün xidmətlər ödənişsizdir.
