Gəncədə "Aqrar sahədə maliyyə resurslarına çıxış imkanları barədə məlumatların verilməsi" mövzusunda maarifləndirici təlim keçirilib. Bu haqda 12 iyun tarixində Gəncə KOB İnkişaf Mərkəzinə istinadən məlumat veririk.
Təlimdə 13 nəfər iştirak edib. KOBİM-in eksperti tərəfindən kənd təsərrüfatı sahəsində fəaliyyət göstərən şəxslərə biznes modelləri, təhlil sisteminin olmasının əhəmiyyəti, maliyyə və mühasibatlıq sahəsi haqqında məlumat verilib.
Həmçinin vergi məcəlləsinə əsasən, kənd təsərrüfatının vergiyə cəlb olunması və vergi güzəştləri, aqrar sahədə maliyyə resurslarına çıxış imkanları, kənd təsərrüfatı sahəsində biznes planların əhəmiyyəti barədə danışılıb.
Sonda iştirakçıların mövzu ilə bağlı sualları cavablandırılıb.
