Gəncədə sahibkarlar üçün silsilə təlimlər keçirilib. Bu haqda 26 yanvar tarixində Kiçik və Orta Biznesin İnkişaf Mərkəzi (KOBİM) məlumat paylaşıb.
"Satış psixologiyası", "Bacarıqların real satışa tətbiqi", "Biznesin beş komponenti" və "Sahibkarlıq bacarıqlarının artırılması" adlı təlimlər müxtəlif sahələrdə fəaliyyət göstərən sahibkarlar və biznesə başlamaq istəyən gənclər üçün təşkil olunub. Seminarlar 21-26 yanvar tarixlərində baş tutub. KOBİM-in peşəkar eksperti effektiv satış, müştəri məmnunluğunun yaradılması, satış imkanlarının artırılması, müştəri münasibətlərinin möhkəmləndirilməsi, müasir idarəçilik bacarıqlarında qərar qəbul etmə, işin səmərəli bölüşdürülməsi, risk və böhranın idarəedilməsi, strateji düşünmə, büdcənin idarə edilməsi, sosial məsuliyyət, zamanın idarə edilməsi və komanda ruhu haqqında danışıb.
Təlimlərdə 15 nəfər iştirak edib. Sonda hər mövzu üzrə fikir mübadiləsi aparılıb və suallar cavablandırılıb.
