Bu gün iki şəhidin doğum günüdür.
Vüqar Raqif oğlu Veysəlov 22 fevral 1970-ci il tarixdə Gəncədə anadan olub. 1987-ci ildə Gəncə şəhər 30 saylı orta məktəbi bitirdikdən sonra Azərbaycan Kənd Təsərrüfatı Akademiyasının (indiki ADAU) İqtisadiyyat fakültəsinə daxil olub.
Birinci kursu bitirdikdən sonra təhsilini yarımçıq qoyaraq 1988-ci ildə həqiqi hərbi xidmətə çağırılıb. 1989-cu ildə hərbi xidmətini başa vuraraq Gəncə şəhərinə qayıdıb və Azərbaycan Kənd Təsərrüfatı Akademiyasının İqtisadiyyat fakültəsində təhsilini davam etdirib. 26 fevral 1992-ci ildə Xocalı faciəsindən sonra könüllü olaraq Gəncə özünümüdafiə batalyonuna yazılıb.
3 iyul 1992-ci il tarixində Vüqar Veysəlov qəhrəmancasına həlak olaraq şəhidlik zirvəsinə ucalıb.
Xəqani Sultanəli oğlu İbrahimov 22 fevral 1968-ci ildə Göyçə rayonunun Zərkənd kəndində anadan olub. Orta məktəbi bitirdikdən sonra 1984-1987-ci illərdə hərbi xidmətdə olub. Bundan sonra məlum hadisələrlə əlaqədar olaraq ailəsi ilə birgə Göyçə mahalından Gəncəyə köçüb.
1991-ci ildə könüllü olaraq cəbhəyə yollanıb. Xəqani İbrahimov 13 may 1994-cü ildə yaralanıb, müalicə olunması üçün Ağdam hospitalına yerləşdirilsə də, həkimlərin səyinə baxmayaraq, 19 may 1994-cü ildə xəstəxanada vəfat edib. 20 may 1994-cü ildə meyiti Gəncə şəhərinə gətirilərək Şəhidlər xiyabanında dəfn olunub.
