Gəncədə silsilə təlimlər keçiriləcək. Bu haqda 20 sentyabr tarixində Gənclər Evinə istinadən məlumat veririk.
"Kətan üzərində Dəmir Yumruğun tikilməsi" adlı təlimlər Tikiş və Toxuculuq kursu tərəfindən təşkil olunur. Seminarları kursun rəhbəri Xatirə Məmmədova aparacaq.
Təlimlər 25 sentyabr - 6 oktyabr tarixlərində iki növbədə olmaqla (səhər növbəsi - 11:00, günorta isə 14:30-da) Gənclər Evində baş tutacaq.
Sonda iştirakçılara sertifikat təqdim olunacaq. Təlimlərə arzu edən hər kəs ödənişsiz olaraq qatıla bilər.
Qeyd edək ki, Gəncə Gənclər Evi 28 May küçəsi, 34 ünvanında (Heydər Əliyev Parkında) yerləşir.
