Gəncədə növbəti vətəndaş qəbulu həyata keçirilib. Bu haqda 2 avqust tarixində İcra Hakimiyyətinə istinadən məlumat veririk.
Niyazi Bayramov Məhsəti küçəsində sakinlərlə görüşüb. Burada YAP Gəncə şəhər təşkilatının sədri Bayram Aslanov, idarə, müəssisə rəhbərləri və bələdiyyə sədrləri iştirak ediblər. Tədbirdə bildirilib ki, Məhsəti və ona paralel olan küçələrdə “Açıq Kommunal İnfrastruktur Proqramı II” layihəsi çərçivəsində işlər yekunlaşıb. Yaxın günlərdə burada avtomobil yollarının və piyada səkilərinin asfaltlanmasına başlanılacaq.
Sakinlər bir sıra təkliflərlə çıxış ediblər. Müraciətlər arasında maddi yardımın göstərilməsi, işlə təminat və digər məsələlər də yer alıb. Şəhər rəhbərliyi müvafiq tapşırıqlar verib. Bir çox müraciətlər yerindəcə həllini tapıb.
