Bu gün şəhid Xuduş Kazımovun doğum günüdür.
Xuduş Həsən oğlu Kazımov 8 sentyabr 1988-ci ildə Rusiya Federasiyasının Moskva şəhərində doğulub. Gəncədə 20 nömrəli tam orta məktəbi bitirib. 2008-ci ildə Gəncə Texniki Kollecinin məzunu olub.
O, 2008-ci ildə həqiqi hərbi xidmətə çağırılıb. 2019-cu ilin may ayında MAXE hərbi qulluqçusu kimi xidmətə başlayıb. 27 sentyabr 2020-ci il tarixində Vətən müharibəsinə qatılıb. O, Murov Zirvəsi və Kəlbəcər rayonu istiqamətlərində gedən döyüşlərdə iştirak edib.
Xuduş Həsən oğlu Kazımov 2 oktyabr 2020-ci ildə Kəlbəcər rayonu istiqamətində gedən döyüşlərdə şəhidlik zirvəsinə yüksəlib.
Şəhidimiz 20 yanvar 2021-ci ildə Gəncə şəhərinin Şəhidlər xiyabanında dəfn olunub.
