Bu gün şəhid Zöhrab Aslanovun doğum günüdür.
Zöhrab Qasım oğlu Aslanov 23 fevral 1955-ci ildə Goranboy rayonunda anadan olub. I Qarabağ müharibəsi zamanı könüllü olaraq cəbhəyə yollanıb. O, 410 saylı hərbi hissənin tərkibində vuruşub. Hərbidə Aslanov gizir rütbəsinə yüksəlib.
Bakı səması ilə silah gətirən zaman Zöhrab Aslanovun təyyarəsi erməni işğalçıları tərəfindən vurulub. O, yaralı vəziyyətdə xəstəxanaya çatdırılıb, lakin həkimlərin səylərinə baxmayaraq, 11 dekabr 1993-cü ildə Bakı şəhərində yerləşən Cavadzadə adına xəstəxanada vəfat edib.
Zöhrab Aslanovun meyiti Gəncə şəhərinə gətirilərək Şəhidlər xiyabanında dəfn olunub.
