Bu gün şəhidlər Samiq Qəhrəmanov və Elşad Kazımovun doğum günüdür.
Samiq Məhəmməd oğlu Qəhrəmanov 31 avqust 1973-cü ildə Gəncədə sənətkar ailəsində doğulub. 7 saylı orta məktəbi bitirib. O, Maşınqayırma Texnikumunda təhsil alıb. Texnikumda oxumaqla yanaşı, 2 saylı Uşaq-Gənclər İdman Məktəbində güləşlə məşğul olub.
Samiq 1991-ci ildə ordu sıralarına çağırılıb. Zəngilan rayonunun Qazançı kəndinə göndərilərək dəstə komandiri vəzifəsinə təyin olunub. O, döyüş yoldaşları ilə birlikdə qısa bir müddət ərzində 2 erməni səngərini alıb, 3-cünü alan zaman isə düşmən gülləsinə tuş gələrək yaralanıb. Buna baxmayaraq, həmyerlimiz döyüşə qayıdıb, lakin səngərə çatarkən ikinci düşmən gülləsinə tuş gələrək həlak olub.
Samiq Məhəmməd oğlu Qəhrəmanov 23 avqust 1992-ci ildə şəhidlik zirvəsinə ucalıb. Şəhidimiz Gəncə şəhər Şəhidlər xiyabanında dəfn olunub.
Elşad Surxay oğlu Kazımov 31 avqust 1986-cı ildə Gəncədə anadan olub. 28 saylı orta məktəbi bitirib.
O, 2004-cü ildə könüllü hərbi xidmətə gedib, Füzuli rayonunda xidmət edib.
Elşad Surxay oğlu Kazımov 13 avqust 2005-ci ildə şəhidlik zirvəsinə ucalıb. Şəhidimiz növbəti gün Gəncə şəhər Şəhidlər xiyabanında dəfn olunub.
