Bu gün şəhid Sadiq Əsgərovun doğum günüdür.
Sadiq İsaq oğlu Əsgərov 24 yanvar 1965-ci ildə Daşkəsən rayonunun Mollahəsənli kəndində anadan olub. 1982-ci ildə Mollahəsənli kənd orta məktəbini bitirdikdən sonra 1983-1985-ci illərdə həqiqi hərbi xidmətdə olub.
1986-cı ildə hərbi sahəyə böyük həvəsi olduğu üçün xüsusi hərbi kurs keçib. 1986-cı ildən 1990-cı ilə qədər Gəncədə hərbçi kimi işləyib. 1990-cı ildən 1992-ci ilin fevral ayına qədər Xanlar (Göygöl) rayon Hərbi Komissarlığında bölmə rəisi vəzifəsində çalışıb.
O, 1992-ci ilin fevral ayında öz istəyi ilə Gədəbəy bölgəsində gedən döyüşlərə qatılıb. Burada hərbi hissə komandiri kimi xidmət edib. Hərbi hissə komandiri tərəfindən 1993-cü ildə Mərkəzi Zabit kursuna göndərilib və leytenant rütbəsi alıb.
Sadiq İsaq oğlu Əsgərov 18 yanvar 1994-cü il tarixində ermənilər tərəfindən atılmış top mərmisinin partlayışı nəticəsində Gədəbəy rayonu ərazisində şəhidlik zirvəsinə ucalıb. O, Gəncə şəhər Şəhidlər xiyabanında dəfn olunub.
