Bu gün şəhid Sədi Cəlilovun doğum günüdür.
Sədi Tofiq oğlu Cəlilov 4 oktyabr 1973-cü ildə Gəncədə anadan olub. O, 5 nömrəli orta məktəbi və 15 saylı texniki peşə məktəbini bitirib.
Sədi Naxçıvanik, Sırxavənd, Qərvənd, Novruzlu kəndləri uğrunda gedən döyüşlərdə iştirak edib. Döyüşlərdən birində ağır yaralanıb və hərbi hospitala müalicə olunmağa göndərilib. Müalicəsi qurtardıqdan sonra yenidən Murovdağda döyüşüb.
Sədi Tofiq oğlu Cəlilov 12 fevral 1994-cü ildə Şişqaya uğrunda döyüşdə şəhidlik zirvəsinə yüksəlib. Şəhidimiz Gəncə şəhərinin Şəhidlər xiyabanında dəfn olunub.
