Bu gün şəhid Rabil İsmayılovun doğum günüdür.
Rabil Elbrus oğlu İsmayılov 12 fevral 1980-ci ildə Gəncədə anadan olub. 1987-1997-ci illərdə 14 nömrəli tam orta məktəbdə təhsil alıb. 1997-ci ildə Bakı Dövlət Universitetinin Tətbiqi riyaziyyat və kibernetika fakültəsinə daxil olub və 2001-ci ildə oranı bitirib. 2001-2003-cü illərdə Gəncə Dövlət Universitetində magistratura təhsili alıb.
2003-cü ildə həqiqi hərbi xidmətə çağırılıb. 2017-2020-ci illərdə 14 saylı tam orta məktəbdə riyaziyyat müəllimi işləyib. Vətən müharibəsi zamanı yenidən ordu sıralarına cəlb olunub.
Rabil Elbrus oğlu İsmayılov 2 noyabr 2020-ci il tarixində Xocavənd rayonu uğrunda gedən döyüşlərdə şəhidlik zirvəsinə ucalıb. 3 noyabr 2020-ci ildə Gəncə şəhərinin Şəhidlər xiyabanında dəfn olunub.
