Bu gün şəhid Niyazi Cəfərovun doğum günüdür.
Niyazi Zakir oğlu Cəfərov 8 fevral 1970-ci ildə Gəncədə anadan olub. Orta təhsilini 44 saylı orta məktəbdə alıb. 1988-1990-cı illərdə Qazaxıstanda hərbi xidmətdə olub. O, həqiqi hərbi xidmətdən serjant rütbəsi ilə qayıdıb.
3 saylı musiqi məktəbində qarmon şöbəsini bitirən Niyazi bir ara Gəncə Uşaq Musiqi Məktəbində müəllim işləyib. 26 dekabr 1992-ci ildən könüllü olaraq Mingəçevirin “Hücum” batalyonunda vuruşub.
Niyazi Zakir oğlu Cəfərov 17 yanvar 1993-cü ildə düşmən gülləsinə tuş gələrək şəhidlik zirvəsinə ucalıb. Onun nəşi 4 aydan sonra tapılaraq Gəncəyə gətirilib və 20 may 1993-cü ildə Gəncə Şəhidlər xiyabanında dəfn olunub.
