Bu gün şəhid Mirhüseyn Seyidzadənin doğum günüdür.
Mirhüseyn Miryunis oğlu Seyidzadə 11 fevral 1991-ci ildə Rusiya Federasiyasının Moskva şəhərində anadan olub. 1997-ci ildə Gəncə şəhər 5 nömrəli məktəbə daxil olub. 9-cu sinfi bitirdikdən sonra təhsilini Gəncə Humanitar Kollecində (indiki Gəncə Dövlət Regional Kolleci) davam etdirib.
2010-cu ildə həqiqi hərbi xidmətə çağırılıb. 2016-2017-ci illərdə İstanbulda özəl şirkətdə çalışıb. 2018-ci ildə Azərbaycan Sülhməramlı Qüvvələrinə qatılıb. Vətən müharibəsi zamanı Füzuli və Cəbrayıl rayonlarının azad olunması uğrunda gedən döyüşlərdə iştirak edib.
Mirhüseyn Miryunis oğlu Seyidzadə 9 oktyabr 2020-ci il tarixində Füzuli rayonu ərazisində gedən döyüşlər zamanı şəhidlik zirvəsinə ucalıb.
