Gəncədə anım mərasimi keçirilib. Bu haqda Gencexeber.az-a 4 noyabr tarixində məlumat daxil olub.
Mərasim şəhid Hüseyn Elsevər oğlu Mirzəyevin şəhadət günü ilə əlaqədar təşkil olunub. Burada İH nümayəndələri, Səfərbərlik və Hərbi Xidmətə Çağırış üzrə Dövlət Xidmətinin Gəncə şəhəri üzrə nümayəndəliyinin rəisi, bələdiyyə nümayəndələri, şəhid ailələri, qohumları, dostları və digər sakinlər iştirak ediblər. Bundan başqa, mərasimdə məktəblilər də yer alıblar.
İlk öncə şəhidin məzarı önünə güllər qoyulub, ruhuna dualar oxunub. Sonra ehsan süfrəsi açılıb. Mərasim iştirakçıları şəhidin xatirəsini anıblar.
[modula id="29924"]
