Bu gün şəhid Hüseyn Mirzəyevin doğum günüdür.
Hüseyn Elsevər oğlu Mirzəyev 19 iyul 2001-ci ildə Gəncədə anadan olub. 2018-ci ildə 46 nömrəli tam orta məktəbi bitirib. 2019-cu ildə həqiqi hərbi xidmətə çağırılıb.
Vətən müharibəsi zamanı Hüseyn Azərbaycan Ordusunun əsgəri olaraq döyüşlərdə iştirak edib. Füzuli, Cəbrayıl və Xocavənd rayonlarının azadlığı uğrunda vuruşub.
Hüseyn Elsevər oğlu Mirzəyev 13 oktyabr 2020-ci ildə Füzuli rayonu uğrunda gedən döyüşlərdə şəhidlik zirvəsinə yüksəlib. 22 dekabr tarixində isə Gəncə şəhərinin Şəhidlər xiyabanında dəfn olunub.
