Bu gün şəhid Elvin Mustafayevin doğum günüdür.
Elvin Fəxrəddin oğlu Mustafayev 14 mart 1992-ci ildə Daşkəsən rayonunda anadan olub. O, 1998-ci ildə Daşkəsən rayonunun Səməd Vurğun adına 4 nömrəli tam orta məktəbinin birinci sinfinə gedib. Daha sonra, 2-ci sinifdən təhsilini Gəncə şəhər 28 nömrəli tam orta məktəbdə, 7-ci sinifdən isə Göygöl rayonunun 8 mart məktəbində davam etdirib.
2007-ci ildə, 9-cu sinfi bitirdikdən sonra Astara Pedaqoji Kollecində Bədən tərbiyəsi və idman müəllimi ixtisasına daxil olub. 2010-cu ildə həqiqi hərbi xidmətə çağırılıb. 4 sentyabr 2020-ci ildə MAXE hərbi qulluqçu kimi xidmətə başlayıb.
Vətən müharibəsi zamanı Murovdağ və Kəlbəcər rayonu istiqamətində gedən döyüşlərdə vuruşub. Elvin Fəxrəddin oğlu Mustafayev 2 oktyabr 2020-ci il tarixində şəhidlik zirvəsinə ucalıb.
4 iyun 2021-ci ildə Gəncə şəhərinin Şəhidlər xiyabanında dəfn olunub.
