Bu gün şəhid Elçin Məhərrəmovun doğum günüdür.
Elçin Rəfi oğlu Məhərrəmov 3 fevral 1966-cı ildə Gəncədə anadan olub. 2 saylı orta internat məktəbini bitirən Elçin gənc yaşında ikən sürücülük peşəsinə yiyələnib. 1984-cü ildə həqiqi hərbi xidmətə çağırılıb. 1986-cı ildə Gəncəyə qayıdaraq tikinti idarəsində sürücü kimi işləyib.
Elçin 1992-ci ildə könüllü olaraq Milli Orduya yazılıb. Gənc hərbçi “Təşəkkür” məktubları ilə təltif olunub. Baş leytenant Elçin Rəfi oğlu Məhərrəmov 12 noyabr 1993-cü ildə şəhidlik zirvəsinə ucalıb.
