Bu gün şəhid Ədalət Əliyevin doğum günüdür.
Ədalət Əli oğlu Əliyev 12 iyun 1960-cı ildə Qərbi Azərbaycanın Amasiya rayonunda anadan olub. 1988-ci ildə ailəsi ilə birlikdə Azərbaycana gəlib, Gəncə şəhərində məskunlaşıblar. O, Gəncə şəhəri 20 saylı orta məktəbin 8-ci sinfini bitirdikdən sonra texniki-peşə məktəbinə daxil olub və çilingər peşəsinə yiyələnib. Bir müddət müxtəlif yerlərdə çilingər kimi işləyib.
O, 1978-ci ildə həqiqi hərbi xidmətə çağırılıb, sovet ordusu sıralarında 2 il xidmət edib qayıtdıqdan sonra ailə həyatı qurub. Ədalət I Qarabağ müharibəsi zamanı, 1993-cü ildə cəbhəyə yollanıb və 181 saylı hərbi hissənin tərkibində düşmənə qarşı vuruşub. O, Füzuli rayonunun bir sıra kəndlərinin müdafiəsində fəal iştirak edib.
Ədalət Əli oğlu Əliyev 14 may 1994-cü ildə döyüş tapşırığını yerinə yetirərkən Füzuli rayonunda düşmənin yerə basdırdığı minaya düşərək həlak olub.
