Gəncədə Heydər Əliyevə həsr olunan tədbir baş tutub. Bu haqda 14 yanvar tarixində Gəncə Dövlət Universitetinə istinadən məlumat veririk.
Tədbiri universitetin Humanitar məsələlər üzrə prorektoru, dosent Gülsüm Fətəliyeva açıb. O, ümummilli liderin həyatı, zəngin və çoxşaxəli siyasi fəaliyyəti haqqında ətraflı məlumat verib.
Təbdirdə Filologiya fakültəsinin dekanı Zakir Ələsgərov ”Müasir Azərbaycan tarixinin Heydər Əliyev zirvəsi”, Azərbaycan və dünya ədəbiyyatı kafedrasının baş müəllimi Həmid Abbasov “Ulu Öndər Heydər Əliyevin keçdiyi böyük, mənalı və şərəfli həyat yolu”, Azərbaycan və dünya ədəbiyyatı kafedrasının dosenti Qivami Qazıyev “Tarix yaradan şəxsiyyət” və Azərbaycan dili kafedrasının müəllimi Günel Məmmədova “Ümummilli Lider Heydər Əliyevin irsi milli sərvətimizdir” məruzələri ilə çıxış ediblər.
Görüşün sonunda Heydər Əliyevin həyat və fəaliyyətindən bəhs edən sənədli film nümayiş olunub.
