Gəncədə məktəblilər arasında müsabiqə keçiriləcək. Bu haqda 18 fevral tarixində Regional Təhsil İdarəsinə istinadən məlumat veririk.
“Heydər Əliyev məktəblilərin gözü ilə” adlı rəsm müsabiqəsi Regional Təhsil İdarəsinin təşkilatçılığı, Gəncə şəhər Uşaq-Gənclər İnkişaf Mərkəzinin dəstəyi ilə baş tutacaq. Müsabiqə 3 yaş kateqoriyası üzrə (6-9, 10-13, 14-17) həyata keçiriləcək.
Şagirdlər 17 fevral - 10 mart tarixləri arasında hər üç yaş qrupu üzrə müsabiqənin mövzusuna uyğun rəsm əsərlərini yekunlaşdırmalıdırlar. Tələblər aşağıdakılardır:
- Müsabiqəyə mövzuya uyğun rəsmlər təqdim olunmalıdır;
- Rəsm müsabiqəsinə hər bir iştirakçı 1 rəsm işi göndərə bilər;
- Müsabiqəyə qatılan məktəb hər yaş qrupu üzrə 1 rəsm işi təqdim etməlidir;
- İki və daha çox iştirakçının birgə hazırladıqları işlər qəbul edilmir;
- Rəsmin işlənmə texnikası sərbəstdir; (quaş, sulu boya, rəngli qələmlər, kollaj, yağlı boya və s.);
- Rəsmlər A3 formatında təqdim edilməlidir;
- Rəsm işləri təqdim edilərkən iştirakçı haqqında ətraflı məlumat – şəhər (rayon), təmsil etdiyi məktəb, sinif, şagirdin adı, soyadı, atasının adı, təvəllüdü və əlaqə vasitəsi qeyd olunmalıdır;
- Müsabiqəyə təqdim olunan rəsm əsərləri geri qaytarılmır.
I, II, III yerin sahibləri hədiyyə, diplom və sertifikatlar ilə təltif olunacaqlar.
