Gəncədə musiqi məktəbində konsert keçirilib. Bu haqda 27 yanvar tarixində Regional Mədəniyyət idarəsinə istinadən məlumat veririk.
Tədbir 4 nömrəli Uşaq Musiqi Məktəbində “Heydər Əliyev ili” çərçivəsində təşkil olunub. Tədbiri açan məktəb direktoru Aynur Şixiyeva qeyd etdi ki, 2023-cü il ölkəmizdə “Heydər Əliyev İli” elan edilib.
İştirakçılara ulu öndər Heydər Əliyevin parlaq və şərəfli həyat yolu, Azərbaycanın hər sahə üzrə inkişafı istiqamətində göstərdiyi əvəzsiz xidmətləri barədə məlumat verilib. Konsertdə fortepiano şöbəsinin şagirdləri Azərbaycan və xarici ölkə bəstəkarlarının əsərlərini səsləndiriblər.
