Gəncədə təmir-bərpa işləri görülür. Bu haqda 2 avqust tarixində MKTİB-yə istinadən xəbər veririk.
İşlər Mənzil Kommunal Təsərrüfatı İstehsalat Birliyi tərəfindən şəhər ərazisində yaşayış və qeyri-yaşayış binalarının qəzalı vəziyyətdə olan dam örtükləri və novdanlarında həyata keçirilir.
Təmir-bərpa prosesi Nizami Gəncəvi prospekti, bina 236; Dədə Qorqud küçəsi, bina 19; Dördüncü mikrorayon, bina 22; Atatürk prospekti, bina 247 və bir neçə başqa müxtəlif ünvanda gedir. Binalarının novdanları və dam örtüklərində yaranan nasazlıqlar aradan qaldırılıb, yararsız hala düşən novdanlar yenisi ilə əvəzlənib.
Qeyd edək ki, son zamanlarda şəhər ərazisində güclü külək və leysan xarakterli yağışlar nəticəsində dam örtüklərində yaranan nasazlıqlar aradan qaldırılır. İşlərə MKTİB-nin xüsusi texnikaları və canlı qüvvəsi cəlb olunur.
