Gəncədə səyyar qəbul keçirilib. Bu haqda 23 iyun tarixində İcra Hakimiyyətinə istinadən məlumat veririk.
İcra başçısı Niyazi Bayramov Azərbaycan Dövlət Aqrar Universitetinin Aqrobiznes və idarəetmə korpusunda sakinləri qəbul edib. Onunla birgə görüşdə YAP Gəncə şəhər təşkilatının sədri, şəhər İcra Hakimiyyəti başçısı Aparatının məsul əməkdaşları, bələdiyyə sədrləri, şəhərdə fəaliyyət göstərən idarə, müəssisə və təşkilat rəhbərləri iştirak ediblər.
Sakinlər onları narahat edən məsələləri səsləndiriblər. Onların arasında işlə təminat, fərdi evin sənədlərinin rəsmiləşdirilməsi, ev növbəliliyi, maddi yardımın göstərilməsi, su-kanalizasiya xətlərinin yenilənməsi və s. məsələlər yer alıb.
Müraciətlərin əksəriyyəti yerindəcə öz həllini tapıb, bəziləri isə araşdırılaraq həll edilməsi üçün qeydiyyata götürülüb.
