Gəncədə idman tədbiri keçiriləcək. Bu haqda 2 avqust tarixində Regional Gənclər və İdman idarəsinə istinadən məlumat veririk.
Tədbir 5 avqust saat 11:00-da Xan bağında baş tutacaq. Gimnastika idman növü üzrə toplantı Gəncə-Daşkəsən Regional Gənclər və İdman İdarəsi tərəfindən “İdman hamı üçün” layihəsi çərçivəsində təşkil olunur.
Burada müəllim Zeynalova Elmina tərəfindən nümunəvi çıxışlar göstəriləcək. İştirak ödənişsizdir. Arzu edən hər kəs qatıla bilər.
Məqsəd əhali arasında idmana marağın artırılması, sağlam həyat tərzinə çağırış, asudə vaxtın səmərəli təşkilidir.
