Gəncədə Təhsil Tələbə Krediti Fondunun məsul şəxsləri ilə görüş keçirilib. Bu haqda 23 fevral tarixində GDU-ya istinadən məlumat veririk.
Tədbirdə Təhsil Tələbə Krediti Fondunun Gəncə Dövlət Universiteti üzrə məsul şəxsləri və könüllü tələbələr iştirak ediblər. Görüşdə universitetin Tədris məsələləri üzrə prorektoru Şahin Xurşudov Fondun fəaliyyətindən ətraflı danışıb. O bildirib ki, əsas məqsəd əhalinin aztəminatlı təbəqələrindən olan şəxslərin təhsilə əlçatanlığını təmin etmək və bu sahədə gənclərə bərabər imkanlar yaratmaqdır.
Daha sonra prorektor universitet üzrə Təhsil Tələbə Krediti Fondunun fəaliyyətində əməyi keçən fakültələr üzrə məsul şəxslərə və könüllü tələbələrə rektor Yusif Yusibov adından təşəkkür edib, fond tərəfindən təltif edilənlərə sertifikat və təşəkkürnamələri təqdim edərək onlara gələcək fəaliyyətlərində uğurlar arzulayıb.
