Gəncədə bayram günlərinə özəl konsert proqramları təşkil olunacaq. Bu haqda 16 dekabr tarixində “GəncLand” İstirahət Mərkəzinə istinadən məlumat veririk.
Konsertlər “GəncLand” Ailəvi İstirahət və Əyləncə Kompleksində baş tutacaq. Proqram 25 dekabr - 5 yanvar tarixlərində keçiriləcək.
Bu müddət ərzində hər gün sakinlər üçün konsertlər keçiriləcək. Burada pop və estrada müğənniləri, Şaxta baba, Qar qız və cizgi filmlərindən qəhrəmanlar olacaqlar.
Konsertdə iştirak ödənişsizdir. İstirahət mərkəzi Yeni Gəncə qəsəbəsində yerləşir.
