Gəncədə "Art Terapiya və Psixologiya rəssamların gözü ilə" adlı təlim keçirilib. Bu haqda 28 yanvar tarixində Gəncə Gənclər Evinə istinadən xəbər veririk.
“26 yanvar - 2 fevral Gənclər həftəsi” çərçivəsində keçirilən təlim Gəncə Gənclər Evinin Psixologiya kursunun rəhbəri Selcan Hüseynova və Rəsm kursunun rəhbəri Firəngiz Allahverdizadənin təşkilatçılığı ilə baş tutub.
Təlimçilər müxtəlif psixoloji rəsm əsərlərini iştirakçılara nümayiş etdirib və iştirakçılarla həmin rəsm əsərində rəssamın nə anlatmaq istədiyini müzakirə ediblər.
