Gəncədə gənclər üçün ödənişsiz təlimlərə qeydiyyat aparılır. Bu haqda Gencexeber.az-a 21 yanvar tarixində məlumat daxil olub.
Mentor olmaq istəyən gənclər üçün "Gəncdən gəncə inkişaf" layihəsi start götürür. Proqram çərçivəsində ilk olaraq, 19-29 yaş arası 20 gəncə 3 gün müddətində mentorluq təlimləri keçiriləcək. İştirak edən 20 gəncdən ən fəal 10 nəfər ikinci mərhələyə keçid edəcək.
Sonra iştirakçılar iki nəfərlik qruplar şəklində məktəblilər üçün könüllülük, fərdi inkişaf mövzularında seminar təşkil edəcək və növbəti mərhələ üçün həmin məktəbli gənclərin mentoru olaraq fəaliyyət göstərəcəklər. Layihənin sonuncu mərhələsində məktəbli gənclər məzun olacağı müddətə qədər öz mentoru tərəfindən könüllülük və fərdi inkişaf mövzularında məlumatlandırılacaq, təlimlərə, layihələrə cəlb olunacaqlar.
Bundan başqa, onlara müxtəlif növ əyləncəli fəaliyyətlər, klublar və s. təşkil etmək mentorun əsas öhdəliklərindən olacaq.
İştirakçı gənclər üçün təlimlər: 1-3 fevral (tam gün, çay və nahar fasiləsi daxil);
Məktəbli gənclər üçün seminarlar: 13-17 fevral (günün birinci yarısı).
Layihənin sonunda iştirakçılar sertifikat və ya diplomla təltif olunacaqlar.
İştirak üçün qeydiyyatdan keçmək lazımdır. Son müraciət tarixi 23 yanvardır. Link:
https://docs.google.com/forms/d/e/1FAIpQLSfgjW979bo6xFR1WG6-ext0uLEwmybmxBDybLrhJjKSTzFV_A/viewform.
