Gəncədə tələbələr uşaq evini ziyarət ediblər. Bu haqda 21 dekabr tarixində Gəncə Dövlət Universitetinə istinadən məlumat veririk.
Gəncə Dövlət Universitetinin Kimya-biologiya fakültəsinin baş müəllimi Zəhra Əliyevanın təşkilatçılığı ilə 3-cü kurs tələbələri Gəncə Uşaq Evinin sakinlərinə bayram sovqatı aparıblar. Onlar uşaqları təbrik edərək xoş arzular diləyiblər.
Şaxta baba və Qar qızın şənliyə gəlməsi, uşaqalara müxtəlif hədiyyələr paylaması onlar tərəfindən sevinclə qarşılanıb. Bayram şənliyi konsert proqramı ilə davam edib.
