Ömər aşırımından keçən respublika əhəmiyyətli Gəncə-Kəlbəcər-İstisu yolunun qardan və buzdan təmizlənməsi işləri aparılır. Bu haqda Apa.az-a istinadən məlumat veririk.
Azərbaycan Avtomobil Yolları Dövlət Agentliyindən verilən xəbərə görə, sözügedən ərazidəki yollar çovğun və külək nəticəsində qısa müddətdə yenidən qarla örtülüb. Hal-hazırda yollar qardan və buzdan fasiləsiz təmizlənir.
Qeyd edək ki, işlərin aparılması üçün əraziyə 100-ə yaxın maşın-mexanizm və texnika təhkim olunub, xidməti qrup yaradılıb.
