Təmirə ehtiyacı olan yaşayış binasında təmir-bərpa işləri görülüb. Bu haqda 17 yanvar tarixində Gəncə MKTİB-yə istinadən xəbər veririk.
Təmir işləri Yeni Gəncə yaşayış massivində yerləşən 24a saylı binada aparılır. Təmir-tikinti və Qəza xidməti şöbəsinin əməkdaşları sözügedən binanın giriş hissəsində çökmə ehtimalı olan panellərə dayaq verilməsi məqsədilə bərkidilmə-tikinti işləri görürlər.
Həmçinin bildirilib ki, analoji tədbirlər ehtiyac olan yaşayış binalarının blok və fasadlarının çökmə ehtimalının qarşısını almaq üçün nəzərdə tutulub.
