Gəncədə xaricdə təhsil haqda vebinar keçiriləcək. Bu haqda 2 dekabr tarixində Gəncə Gəncləri məlumat paylaşıb.
Seminar Gənclərin İnkişaf və Karyera Mərkəzinin Gəncə nümayəndəliyi, Fransanın "ALİM" Elmi Assosasiyası və Azərbaycan Tibb Universitetinin təşkilatçılığı ilə baş tutacaq. "Gənclər üçün xaricdə tibb təhsili imkanları" adlı onlayn görüş Almaniyada fəaliyyət göstərən Oral cərrah Pərviz Rəhimli tərəfindən keçiriləcək. Vebinar 4 dekabr tarixində saat 18:00-da Zoom onlayn platformasında baş tutacaq.
İştirak etmək istəyənlər qeyd olunan link vasitəsi ilə qeydiyyatdan keçə bilərlər. Son müraciət tarixi 4 dekabr saat 14:00-dır.
