Gəncə Gənclər Evində "Qarabağın dirçəlişi" adlı rəsm sərgisi keçirilib. Bu haqda təşkilatın Facebook səhifəsində məlumat dərc edilib.
Tədbir Gəncə Şəhər Gənclər və İdman Baş İdarəsinin və Gəncə Gənclər Evi SXM-nin birgə əməyi nəticəsində təşkil edilib.
Ötən ilin 26, 28 və 31 yanvar tarixlərində dekorativ tətbiqi sənət ustası Sona Məhərrəmova gənclərə yumurta qabığı üzərində rəsm çəkməyi öyrədib. Sərgilənən 20-ə yaxın rəsm əsəri təlim nəticəsində ərsəyə gələn əl işləridir.
Sonda gənclər təşəkkürnamələrlə təltif olunublar.
