Gəncədə uşaqlarla nağıl saatı keçirilib. Bu haqda 21 yanvar tarixində Gəncə Regional Mədəniyyət idarəsi məlumat paylaşıb.
Tədbir Mərkəzi Kitabxananın Uşaq şöbəsində təşkil olunub. Kitabxanaçı Nərmin Qasımova uşaqlara rus yazıçısı Puşkinin "Qızıl xoruz", Azərbaycan şairi Məhəmməd Füzulinin "Meyvələrin söhbəti", Azərbaycan uşaq yazıçısı Aygün Bünyadzadənin "Bir damla su" nağıllarını oxuyub. Hər bir əsərin sonunda iştirakçılarla müzakirələr aparılıb və onların fikirləri dinlənilib.
