Nizami yurdunun abadlığını qorumaq məqsədilə iməcilik aksiyası təşkil olunub. Bu haqda 28 yanvar tarixində Gəncə Şəhər İcra Hakimiyyəti MKTİB-nin mətbuat xidmətinə istinadən xəbər veririk.
İməciliyə Mənzil Kommunal Təsərrüfatı İstehsalat Birliyinin texnikası da cəlb edilib. Təmizlik işləri Sadıllı qəsəbəsində yerləşən 17 saylı məktəbin yaxınlığındakı İlham Müzəffər oğlu Əliyev, Xəmsə, Validə Tutayuk küçələrində, eləcə də 7, 20 və 21 saylı seçki məntəqələrinin ərazilərində aparılıb. İməcilik çərçivəsində adıçəkilən ərazilər məişət tullantılarından, alaq otlarından, eləcə də daş, qum və toz-torpaqdan təmizlənib.
Həmçinin məişət tullantılarının atılması üçün nəzərdə tutulan müxtəlif tutumlu konteynerlərin və zibil qutularının ətrafları da təmizlənib. Analoji təmizlik aksiyası Məhsəti qəsəbəsində də təşkil edilib.
