Gəncədə 50 yaşlı kişini maşın vurub. Bu haqda Bizim.media-ya istinadən məlumat veririk.
Hadisə şəhərin Gülüstan qəsəbəsində baş verib. Göygöl - Gəncə yolu ilə hərəkət edən "VAZ-21099" markalı avtomobil yolu keçmək istəyən orta yaşlı kişini vurub.
Şahidlərin sözlərinə görə, hadisə nəticəsində piyadanın ayağı qırılıb. Zərərçəkən təcili tibbi yardımla xəstəxanaya çatdırılıb.
Hadisə yerinə DYP əməkdaşları cəlb olunub. Faktla bağlı araşdırma aparılır.
