Gəncədə kanalizasiya xətti yenilənib. Bundan sonra sakinlər bir neçə çətinliklə üz-üzə qalıblar. Bu haqda Gencexeber.az-a yanvarın 21-i məlumat daxil olub.
Sözügedən işlər Aida İmanquliyeva küçəsi, 2-ci döngədə görülüb. Altı gün öncə burada dərin xəndək qazılıb və kanalizasiya xətti yenilənib.
Çətinlik bundan ibarətdir ki, işçilər yeni boru hissələrini birləşdirən zaman rezin ara qatından (ssalnik-prokladka) istifadə etməyiblər. Bu səbəbdən çalanın içi çirkab suları ilə dolub.
Bundan başqa, küçə enliyində olan xəndək yolda piyada və sürücülərin hərəkətini problemə çevirib.
Məlumata görə, sakinlər aidiyyəti quruma çətinliyin aradan qaldırılması üçün bir neçə dəfə müraciət ediblər.
