Gəncədə Vətən müharibəsində həlak olmuş gənc şəhidlərin xatirəsinə tədbir keçirilib. Bu haqda 2 fevral tarixində Gəncə Regional Mədəniyyət idarəsi məlumat paylaşıb.
"Gələcək gənclərin gözü ilə..." adlı tədbir Gəncə Şəhər Mədəniyyət Mərkəzində təşkil olunub. İlk öncə şəhidlərin xatirəsi bir dəqiqəlik sükutla yad edilib. Mədəniyyət mərkəzinin bədii rəhbəri Eldar Məmmədov çıxışında bildirib ki, 2 Fevralın Gənclər günü kimi qeyd olunması Ulu Öndər Heydər Əliyevin adı ilə bağlıdır.
Daha sonra kurs rəhbəri Vüsal Əliyev "Azərbaycan" mahnısını ifa edib. Tələbələr musiqinin sədaları altında rəqs ediblər. Aşıq Əli sazda Vətənə həsr olunmuş aşıq havaları səsləndirib. İlk tibbi yardım kursunun tələbələri vətənpərvərlik mövzusunda şeirlər deyiblər.
