Gəncədə Vətən müharibəsi şəhidinin doğum günü ilə əlaqədar tədbir keçirilib. Bu haqda 1 fevral tarixində Gəncə Regional Mədəniyyət idarəsi məlumat paylaşıb.
"Şəhidlər unudulmur" başlığı altında keçirilən tədbir 15 saylı kitabxana filialı tərəfindən təşkil olunub. İlk öncə şəhid Orxan Bayramovun qəbri ziyarət olunub. Oraya gül dəstələri qoyulub. Sonra şəhidin valideyinlərinin yaşadığı ev ziyarət olunub. Onlar Orxanın ömür yolu haqda danışıblar. Şəhidin ailəsi onunla fəxr etdiyini bildirib.
Qeyd edək ki, Bayramov Orxan Surxay oğlu 29 yanvar 1993-cü ildə Gəncə şəhərində anadan olub. 2011-ci ildə o, peşə liseyini bitirmişdir. Orxan xidmət etdiyi hərbi hissənin tərkibində Vətən müharibəsinə qatılaraq, Füzuli və Cəbrayıl rayonlarının azad olunması uğrunda gedən döyüşlərdə iştirak edib. 2 oktyabr 2020-ci il tarixində şəhidlik zirvəsini ucalmışdır.
O, ölümündən sonra "Vətən uğrunda" və "Cəbrayılın azad olunmasına görə" medalları ilə təltif olunmuşdur.
[caption id="attachment_9350" align="alignnone" width="300"]
Gəncə Regional Mədəniyyət İdarəsinin Facebook səhifəsindən foto[/caption]
