Nizami yurdunun gəncləri üçün növbəti maarifləndirici tədbir keçirilib. Bu haqda 20 fevral tarixində xəbər veririk.
Gəncədə 11, 12, 18 və 19 fevral 2023-cü il tarixlərində Gəncə şəhərində "Münaqişə və Gender Qütbləşməsi" layihəsi həyata keçirilib. Layihə Avropa İttifaqının ‘Stabillik və Sülhə Yardım’ (IcSP) aləti tərəfindən maliyyələşdirilən “Bacarıqların Artırılması və Vətəndaşların İştirakı ilə Sülh Quruculuğu: Mərhələ 2” (PeaCE-2) proqramı çərçivəsində baş tutub.
Layihə ərzində Gəncə və ətraf bölgələrdən olan və iştirak üçün seçilmiş gənclər gender stereotipləri, silahlı münaqişə və post-münaqişə dövründə toplumdakı gender rolları, ədalətli gender rollarının münaqişə transformasiyasına təsiri kimi mövzularda fərqli peşəkar təlimçilər tərəfindən keçirilən sessiyalara qatılıblar. Təlim sessiyaları ərzində iştirakçılar tərəfindən müxtəlif praktiki tapşırıqlar və qrup işləri icra edilib. Layihınin sonunda təlim sessiyalarına qatılmış iştirakçılar sertifikatla təltif ediliblər.
